Kolasib MJA-in Remsiami an kâwm

Commonwealth Games 2022-a India tan hockey-a bronze medal latu Lalremsiami Hmar chu nimin khan Mizoram Journalist Association, Kolasib district member-te'n Kolasib Press Club-ah thingpui inpuiin an kâwm a, a kal zelna turah duhsakna an hlân.

Inkawmna hun hi Kolasib MJA general secretary Zairemchhunga'n a kaihruai a; MJA president Andrew VL Auva chuan, Lalremsiami'n hlawhtlinna chang turin harsatna tam tak a paltlang tih sawiin, "Mi tam tak angin beidawng hma ni se, a tan hian tàwpna tur a tam tawh lutuk," a ti.

Lalremsiami chuan, a chanchin an puanzarsak ṭhin avangin MJA member-te chungah lawmthu a sawi a, "Hockey ka khelh tirh aṭang tawhin tun thlengin min thláwp a, ka lawm a, ka kal zelna turah min ṭawiawmna ka ngen che u a ni," a ti a; khawvel infiamna lian thama medal-te chu mi dang ta tur bik ni loin, Mizote pawhin an awrh ve thei a, a medal chu Mizo ṭhalaite tan bulṭantu chauh a nih thu a sawi.