Lui tui kiam zel chungchang sawiho

Aijal Club chuan nimin khan Aijal Club lounge-ah 'Aizawl tui tlan chungchang' sawihona hun an buatsaih a; ramngaw chereu zel vanga Aizawl tui tlan ber Tlawng lui tui a kiam zel chu ngaihmawhawm tak a nih tawh thu te, luia lei nawi tam ta lutukin harsatna chi hrang hrang a thlente sawi lan a ni.

Sawihonaah hian, chemical biological leh medical lam bawlhhlawh tuiah a tam thu leh chungte chu mihring hriselna atan a hlauhawm thu te, Aizawl tui tlanin World Health Organisation-in mihring tlan atana thianghlim a tih chin a phak loh hle thute sawi a ni bawk.

Sawihona hi RL Rinawma, IRS (Rtd)-in a kaihruai a; EFCC leh PHE department aiawh te, Mizoram University Biotechnology deptt. aiawh te, AMC Commissioner leh Save Mizoram River aiawhte an tel a ni.