Leibá ngaihsak loah sorkar puh

ZPM Ṭhalai chuan thuchhuah siamin, Mizoram sorkarin leiba a ngaihsak loh avangin Mizo 3rd IR Battalion-a police-te'n harsatna an tawh thu an tarlang.

ZPM ṭhalaite chuan, 3rd IR-a thawk Assam-a awm damlote chu GNRC Hospital, Guwahati-ah a báin an inenkawl ṭhin a, mahse, an inenkawlna man Mizoram sorkarin June 2021 aṭanga a pek tawh loh avangin GNRC-in a báa inenkawl an phal tawh lo tih an tarlang a, "Harsatna an tawh chhan hi Home Minister chak loh vangah kan ngai nghet tlat a ni," an ti.

Leiba ngaihsak lo sorkar Mizoramin a nei chu thil zahthlâk tak a nih thu sawiin ZPM Ṭhalai chuan, GNRC Hospital-a leibáte rûl thuai tur leh police-te a báa an inenkawl theihna tur ngaihtuah thuai turin MNF sorkar an phût a ni.