SEDP hawn vangin MNF lawm

MNF party chuan thuchhuah siamin, sorkar flagship programme, Socio Economic Development Programme (SEDP) hnuaia ṭanpuina sum sem tur (family oriented) hawn a ni chu lawmawm an tih thu an tarlang a, "Mirethei leh kut hnathawktute hnen thleng phak tura malsawmna chawi hniam a ni ta hi lawmawm kan ti tak zet," an ti.

MNF chuan, "Covid hripui léng avang te, hriat lâwk loh harsatna hrang hrang avang leh central sorkarin sum enkawl dan kal hmang a tihdanglam avanga sum harsatna a awm mek laia SEDP sem a ni ṭan mek hi a lawmawm tak zet a ni," an ti a; chief minister Zoramthanga chu thutiama ding tlat ṭhin a nia sawiin, mirethei leh kut hnathawktute din khawchhuahna dah pawimawh hmasaa a hmalakna chu an chhuàn thu an tarlang.