Lunglei dist.-ah thubuai ziah luh a tlahniam

Lunglei District Police Half Yearly Crime Review Meeting chu nimin khan SP conference hall-ah an ṭhu a; kum 2016 aiin kum 2017-ah thubuai ziah luh a tlem thu tarlan a ni.

Meeting kaihruaitu Lunglei assitional SP J Lalmuankima chuan, nikum aiin kuminah pawi khawihna a tlakhniam thu sawiin, "Pawi khawihna a tlakhniam chhan hi kan district chhunga tlawm-ngai pawl, kohhran leh mipuite nena kan thawhhona rah a ni a, a lawm-awm hle," a ti.

Meeting-a tarlan danin, kumin January aṭanga June thla thlengin thubuai 107 ziah luh a ni tawh a, chu'ng zinga 72 chu chinfel a ni tawh. Thubuai ziahluh ṭhekhatte chu - pawngsual thubuai pahnih, tualthah thubuai pakhat, táng tlan chhuak pakhat, POCSO Act hnuaiah thubuai pali leh NDPS Act-ah thubuai panga a ni.

MLPC Act hnuaiah mi 264 man an ni a, chu'ng zinga pathum chu thubuai siamsak an ni. Lunglei district chhunga hian kumin kum chanve chhungin lirtheia chet-sualnaah mi pathum thiin, mi pasarih an hliam a; traffic dan bawhchhiate sum chawi tlingkhawm chu Rs. 6,39,150 a ni.

Kum 2016 January-June chhung khan Lung-lei district-ah hian IPC hnuaia thubuai ziah luh 150 a awm a, kuminah chuan 94 a ni. Local & Special Laws hnuaiah thubuai 166 a awm a, kuminah chuan 107 chiah a ni thung.

Review meeting-ah hian Lunglei district-a Po-lice outpost hrang hrang-a OC-te bakah Lunglei Police Station hnuaia investigating officer-te an tel a ni.