MNF hruaitute GST zirtir an ni

Taxation department chuan, nimin khan Mizo Hnam Runah MNF hruaitute Goods & Services Tax (GST) an zirtir a, hriat duh hrang hrang an neihte an hrilhfiah.

Zirhonaah hian MNF president Zoramthanga chuan, "He dan thar hman tur avang hian Mizote chuan kan hmanraw neih lian ber chu hnam dang sumdawngte an awm theih chin a tàwp huna an awm theih hun chhung an renew loh chuan an awm zui zel theih lohna hi a ni. He danah hian kan hnam inhumhimna chu kan inremnaah khan nghet takin a awm a ni," a ti.

MNF chuan thuchhuah siamin, GST zirtirna hun ṭha mipui hriata puangzar theitu tur MNF hotute hnenah sorkarin a neih avangin Taxation department hotute chungah lawmthu an sawi.

Taxation department-a thawkte chuan MNF hruaitute hi GST registration, tax invoice, credit and debit note, input tax credit, return and payment tih dan turte leh levy and exemption from tax-te an hrilhfiah a ni.