Mizo Zirlai Pawl an dinna ngaiah ding

MZP chuan thuchhuah siamin, Mizoram state quota-a technical course, MBBS leh BDS zir tur thlan danah, dan hman meka Categoty-I a tel tur hrilhfiahna 'Indigenous people of the state of Mizoram' tih chu an dinna ngai reng a nih thu an tarlang.

MZP chuan, ram leilung fa Mizote chanvo chuhpuitu Chakmate chu an pawm thei lo tih sawiin, "Ram leilungfa Mizote chanvo min chhuhsak hi kan phal ngai dawn lo," an ti.

Hun hmasa lama Higher & Technical department (Technical Wing)-a thawkte fimkhur tâwk loh vanga Category-I ah Chakmate chhiar tel an ni leh chu miin nghawng ṭha lo tak a nei zel tur chu tihtawp nghal an duh tih sawiin MZP chuan, duh "Kumin 2017-a MBBS leh BDS zirna tura kan chanvo Chakmate tana pek chhuah hi MZP chuan rem a ti thei lo," an ti.Chakma zirlaite hnenah seat pe lo turin Mizoram sorkar an ngen a ni.