Swab sample 18,147 endik a ni tawh

Nimin tlai dar 5 thlenga Mizoram aṭanga Covid-19 hripui vei leh vei loh hriat nan swab sample 18,147 endik a ni tawh. Sample 18,147 aṭangin hripui vei mi 284 hmuh chhuah tawh a ni a, chu chu endik tawh zat aṭangin 1.56% a ni.

Mizoram aṭanga swab sample endik tawh dan chu - National Institute of Cholera and Enteric Diseases (NICED), Kolkata-ah panga, Guwahati Medical College-ah 12, Silchar Medical College-ah 41, Zoram Medical College-ah 17,318 leh Lunglei Civil Hospital-ah 771 a ni.

Covid-19 vei Guwahati Medical College-ah pakhat hmuh chhuah a ni a, Zoram Medical College laboratory-ah mi 267 leh Lunglei Civil Hospital laboratory-ah Truenat-PCR hmangin mi 16 hmuh chhuah a ni tawh bawk. Hetih lai hian, Mizoram luhka hrang hranga screening point-a enfiah (screen) tawh chu mi 1,37,845 an ni a, rapid antibody test hmangin mi 16,724 endik tawh a ni.