KHAWTHLIR

AK Chakma thlang
July 10, 2017-a Chakma Autonomous District Council-a Congress party mi Kali Kumar Tongchongya kaihhruai sorkar chu vote hmanga paihthlak a nih hnuah, sorkar ring tâwk lo MDC 15 chuan Congress Legislature Party hruaitu atan Amit Kumar Chakma an thlang. CADC CLP leader atana AK Chakma an thlan thu hi ziakin Governor Lt.Gen. Nirbhay Sharma an hriattir tawh a, Larsap hian a la pawmpui rih lo nia thu dawn a ni.

DC-in thiahtir
Tuithiang Venga Baby Lalrammawii in, a chim mai hlauhthawnawm chu Aizawl DC, Aizawl District Disaster Management Authority Chairman ni bawk thupek angin July 17, Thawhṭanni khan ṭhiah ṭan a ni. In ṭhiah hna hi Architecture Interior & Engineering Construction-in an thawk a, mipui tana hlauhawm lo thei tur ang bera ṭhiat tura tih an ni.

Pisa hawng
Aizawl Venglaia Man Power Resources Management pisa din thar chu nimin khan bialtu councillor Laltlanzova Khiangte-in a hawng. Pisa hi ṭhalai lehkhathiamte tana Australia rama hna zawnsaktu tur niin, SD Education Australia an zawm a; a bul tumtu chu Zochhuan-mawii Chawngthu, Aizawl Venglai a ni.

Heroin man
Champhaia Excise & Narcotics enforcement chuan nimin chawhma dar 11:45 khan Mualkâwi khuaah heroin gram 15.9 leh a neitua puh Lalchhuanawma (26) s/o Lalbiakzuala, Champhai Tlangsam nia inchhál an man. Lal-chhuanawma hi NDPS Act 1985 tlawhchhanin thubuai siamsak a ni.

CM relief fund
Mi harsa zualte hnena ṭanpuina turin Cricket Association of Mizoram (CAM) chuan tun hnai khan Chief Minister's Relief Fund-ah Rs. 25,000 an chhung lut.