RIMS-a Mizoram PG quota hnawhkhah theih a ni dawn

Mizoram sorkarin Regional Institute of Medical Sciences (RIMS), Imphal, Manipur-a post graduate course-a quota a neih pasarih chu chief minister Zoramthanga hmalakna avang­in a vaia hnawhkhah theih a ni dawn niin sorkar thuchhuah chuan a tarlang.

Sorkar thuchhuah tarlan danin, RIMS-ah hian Mizoram sorkarin PG course quota seat pasarih a nei mek a; NEET-PG paltlanga admission tifel tawh mi pali bakah, seat pathum dang la awm chu hnawhkhah a nih theih nan Chief Minister-in RIMS director Prof. A Santa Singh chu telephone hmanga a biak bakah lehkha a thawn a ni. CM dilna leh Mizoram dinhmun an zir chian hnuah RIMS chuan Mizoram quota la âwl pathum chu hnawhkhah turin ruahmanna a siam a ni.