NIAS-ah MLA 2 fihlim

Nalanda Institute of Advance Studies (NIAS), Kolkata-a Mizo zirlai 32 tirh dan chhui­tu Enquiry Commission chuan, MLA pahnih - Lalrinmawia Ralte leh T Sangkunga inhnam­hnawihna an nei loah a ngai.

Vigilance dy. secretary Donnei-in notification a tihchhuaha a lan danin, En­quiry Commission chuan LEIT minister hlui Lalrin­mawia Ralte leh MYC chair­man hlui T Sang­kunga te hi NIAS, Kolkata-a Mizo zirlai 32-te tirhna leh NIAS-a zir tur thlannaa inrawlh­na nei loah a ngai a ni.