Zirna hi kan industry lian ber a ni - Joseph Lalhimpuia

Parliamentary secretary (Education) Joseph Lalhimpuia chuan Mizoramin industry a neih len ber chu zirna a nih thu a sawi, "Mizorama officer lian ber berte pawh zirna in a hrin chhuahte an ni," a ti.

Thingsulthliah HSS-in nimin zirlai tharte lawmna hun leh zir chhuakte thlahna hun an buatsaih a hmanpuinaah thu sawiin Joseph Lalhimpuia chuan, insumdawn tawnnaah Mizoramin thil lian tham thawnchhuah leh siamchhuah a nei loa, lo neihah pawh hla hnih awrh ei bak tharchhuah a har a, chuvangin Mizote tana industry lian chu zirna hi a ni," a ti.

Parliamentary Secretary chuan zirlaite fuihna thu sawiin, "Mizoramah kum tin graduate thar 3000 chuang an awm a, sorkar hna hian a daih vek dawn loh avangin zirlaiten eizawnna tur kawng dang an ngaihtuah tel a ngai a ni," a ti a, zirlaibu piahlam inchhiar zau tur leh thawhrimna tak tak nen an zirna bei turin a chah.

Thingsulthliah HSS hi kum 2004-ah din a ni a, kum 2017 HSSLC result chhuakah candidate 38 zingah 35 an hlawhtling a, zirlai 126 an awm mek a ni.