MADC monsoon session zo

Mara Autonomous District Council (MADC) monsoon session, ni thum awh chu July 18, Thawhlehni tlai khan zawh a ni a, chairman H Sahlo-a'n tiamchin awm loin a titawp.

MADC session-ah hian a tawp ni, July 18 khan zawhna 13 chhan a ni a, chawhnuah official bill, The Mara Autonomous District Council (Constitution, conduct of Business, etc.) Rules 2017 chu sawiho hnuah pawm a ni. He bill hi MADC-in executive member a neih theih zat pariat aṭanga pakuaa tihpunna tur a ni a, a taka hmang turin Governor-in a pawm phawt a ngai.

Session chhung hian House chhunga chhan chi zawhna (starred question) 40 leh ziaka chhan chi (unstarred question) 10 chhan a ni a; private resolution pa-hnih erawh chu sawiho hnuah hnâwl a ni.