Tui anga nghet lote'n malsawmna an dawng ngai lo - MNF Treasurer

MNF party treasurer K Vanlalauva chuan nimin khan Mizo Hnam Rûna inkhawmah thu sawiin, tui anga nghet lote'n malsawmna an dawng ngai lo tih a sawi a; mi nghet, mi rinawm ni turin an party mite a chah.

K Vanlalauva chuan, Jakoba’n a fapa upa ber Reubena hnenah san berna leh thuneih berna a ta ni mah se, tui anga nghet lo a nih avangin chungnun berna a neih loh tur thu a hrilh tih a sawi a, "Hei hi politics-ah pawh a dik a, tui anga nghet lote hian malsawmna an dawng ngai lo," a ti.

MNF Treasurer chuan, MNF leh India sorkarin remna an siam dawnah rinawm leh rinawm lo an inṭhen phawk niin a sawi a; MNF party insîksawi dan leh remna thuthlung ziah dawn laia thil thlengte a sawi lang a ni.