Khawzawl dist-ah SEDP dawng tur chhungkua 1,500 an awm

Khawzawl District SEDP Committee chu nimin khan an chairman CC Lalchhuangkima, bawrhsap kaihhruaiin DC conference hall-ah an ṭhukhawm. Khawzawl district-ah hian family oriented SEDP dawng tur chhungkua 1,500 an awm a ni.

CC Lalchhuangkima chuan, Khawzawl district-a SEDP kalpui tur chu chhungkaw tinzâwna duan (family oriented) a nih angin chhungkaw tam tak tan hmasawnna a thlen ngei a beisei thu a sawi a, "Sorkar flagship programme pawimawh tak Khawzawl district-a kalpui a ni tur hi a lawmawm a, SEDP buaipui nana senso ngai pawh District SEDP Committee kutah hlan a ni tawh," a ti.

Ṭhutkhawma tarlan danin, Socio-Economic Development Policy hnuaia kalpui tur family oriented SEDP chu August 24, 2022-ah Zaingen Branch YMA Hall-ah hawn a ni dawn a, minister of state Lalruatkima leh L Thangmawia, MLA ten an hmanpui dawn. Village SEDP Committee hnenah cheque sem nghal a ni ang.