Police-in kuhva kg. 10,600 an man

Khawzawl police-te chuan August 20, Inrinni zan khan Khawzawl district-a Tuipui bulah Myanmar aṭanga lak luh nia hriat kuhva rah ip 265 (kg. 10,600) an man.

Police thuchhuah tarlan danin, kuhva rahte hi lirthei panga - SK tipper pahnih, LPK tipper pakhat, SML tipper pakhat leh SK610 aṭanga man a ni a, kuhva neitua puh Lalhmangaihzuala (43) s/o Kapthula, Ruan­tlang, Champhai leh lirthei khalhtute pawh man an ni.

Kuhvate chu Ruan­tlang kudam aṭanga phurh chhuah niin, Vairengtea phurh thlen tum a ni a, Champhai police check post hêla kalpui a nih hnuah Khawzawl police-te'n Tuipui bulah an lo man a ni.