Tlabung Dak In sak ṭhat a ni dawn

Mizorama in hlui berte zinga mi, Tlabung Dak In chu Posts & Telegraph department-in ṭhiat lo leh a nihna hloh si loin an thawm ṭha (restore) dawn.

INTACH Mizoram Chapter thuchhuah tarlan danin, Tlabung Dak In chungchangah hian a theih ang angin hma an la a; Postal department-in Tlabung Dâk In chu ṭhiah a, RCC-a sak an tum chu INTACH ngenna angin, ṭhiat loin an sa ṭha dawn a ni.

INTACH Mizoram chuan, Tlabung Dak In chu Mizorama heritage building hlui ber zinga mi, kum 1872-a sak a nih thu an sawi.