MPC-ZNP ten counselling sût an phût

MPC leh ZNP ṭhalaite chuan, Mizoram quota-a MBBS leh BDS zir tur thlanna, counselling nimina neih chu sût turin Mizoram sorkar an phût.

MPC leh ZNP ṭhalaite chuan thuchhuah siamin, "Chakma candidate-te councelling-naa kal tur escort pe meuha Higher & Technical Education office-a an dah thlap hi mak kan tiin Chakma thun tumna ngawr ngawr niin kan ngai. Sorkar hian vawiin (July 20)-a counseling an neih hi cancel leh turin kan phût a, MZP hmalakna hi a tàwp thlengin kan thlawp tlat dawn a ni," a ti.

MPC leh ZNP chuan, Mizo Students Union-te’n PwD commissioner B Sairengpuii báng tura an nawr laia case Mizoram sorkarin a tinung thar leh nia sawiin, "MSU hruaitute Court-a inlan leh tura an ko lehte hi buaina cho chhuah tumna mai ni-ah kan ngai," an ti a; hemi chungchanga MSU hmalakna chu an thlâwp thu an tarlang.