MPF-in thawhhona thuthlungah hming ziak

Mizoram People Forum (MPF) Board Exe­cutive Committee chu July 20, Ningani khan Synod Committee Room-ah an ṭhu a, meeting vawi 95-na a ni. Political party-te nena an thawhhona thuthlungah hming ziakin an nemnghet.

MPF Board Executive Committee meeting hi MPF president Rev. Lal­zuithanga, Synod mode­rator-in a kaihruai a, general secretary Rev.Dr R Lalbiakmawia'n MPF hmalaknate a sawi.

MPF General Secre­tary chuan, MADC in­thlan dawnah bial 20-ah MPF-in campaign an neih thu te, an hna­thawh vangin State Election commisioner L Tochhawng hnen aṭangin apprecia­tion letter an dawn thu te, constituency paliah constituency forum din thar a nih thute a sawi.

Rev.Dr R Lalbiak­mawia chuan, MPF leh Mizorama political party hrang hrangte thawh­hohna thuthlung siam tharah party panga - Congress party, MNF, MPC, ZNP leh BJP president ṭheuhin hming an ziah tawh thu a sawi. Meeting-ah hian thawhhona thuthlung chu MPF President leh General Secretary ten hming an ziah hnan ve nghal.