Lirthei park-na felfai zawk ngaihtuah

Coordination Sub-Committee on Traffic Management chu nimin khan an chairman, Home minister R Lalzirliana hoin a pisaah an ṭhukhawm a; Aizawla lirthei hûnna (parking) felfai zawk siam chungchang an sawiho.

Aizawl khawpui tâwt lutuk tiziaawm tura hmalakna pakhat - lirthei hûnna felfai zawk ruahman chungchang sawi-honaah hian khawpui chhunga lirthei tlân (traffic flow)-ah harsatna a awm loh nan dan ding laia siam-ṭhat ngai lai laite siamṭhat mek a nih thu tarlan a ni.

Meeting-a tarlan dan-in, kawngpui lûn lai leh tâwt lutukah chuan kea kalte leh lirthei insûlpêl turte tana harsatna a awm phah loh nan parking area siam a ni dawn lo.

Sikulpuikawn aṭanga Khatla panna kawng, Peter’s Street thlaah parking area rìn a ni tawh a, he kawngah hian lirthei tlan tam zual lai (rush hour) chuan truck bungraw phur tan loading leh unloading phal a ni lo ang.