KHAWTHLIR

Thisen pe
Serchhip Vengchung Branch YMA chuan, an din champha vawi 79-na pualin nimin khan JN Hospital, Serchhip tan thisen unit 28 an pe a, a petu mipa 26 leh hmeichhia pahnih an ni. Aizawla 46 Assam Rifles-te pawhin July 20 khan Aizawl Civil Hospital tan thisen unit 28 an pe bawk.

Thing phun
New Secretariat Complex tihring a, timawi turin GAD chuan nimin khan an secretary Zothankhuma hoin thing eng emaw zat an phun. Thing an phunte chu uluk taka enkawl an tum tih an sawi.

BJP-in pawi ti
BJP, Mizoram Pradesh chuan thuchhuah siamin, Mizoram quota-a MBBS leh BDS zir tur thlannaa hnam dang an tel vanga buaina chhuaka zirlaite'n police kut an tuar chu pawi an tih thu an tarlang a; hliamte an
ṭha chhuak leh thuai turin duhsakna an hlan.

Jubilee lawm
NABARD, Mizoram Regional Office chuan NABARD Foundation Day vawi 35-na an lawm. Foundation Day pual hian State Guest House-ah self help group (SHG)-te'n bank-a loan an pûk theihna leh an inthlunzawmna, SGH-Bank Linkage kum 25 tlin an lawm nghal a, Mizoram SHG patron Lal Riliani'n a hmanpui a ni.

ES workshop
Economics & Statistics department chuan, nimin khan district officer leh staff-te tan Serchhip DC meeting room-ah workshop an buatsaih a, district profile buatsaih dan tur zirtir an ni.