Police 700 lak tum a ni - DGP

DGP SBK Singh chuan nimin khan Lawngtlaia police hmunhmate a tlawhnaah thu sawiin kumin chhungin police 700 lak belh tum a nih thu a sawi.

DGP chuan Mizoram Police-a sanction post 12,000 awmah 9,000 chiah hnawhkhah a nih thu sawiin, "Thawktu indaih lohna nasa tak su kiang turin Chief Minister hma lakpuina hnuaiah kumin chhunga thawktu 700 lak belh tum a ni," a ti a, police-te chu ram tana an theihna zawng zawng nena hna thawk turin an hriselna uluk a, insawi zawi uar a, zu leh ruihhlo dang laka inthiar fihlim turin a chah.

SBK Singh chuan quarter leh lirtheia harsatna awm mek chinfelna atan Ministry of Home Affairs-ah cheng vbc. 367 dil a nih thu sawiin, "Pawisa hi hmuh ngei kan inbeisei. Mizoram Police-ah a ṭha zawng leh hma sawn zawnga thil inthlak­thlengtir tuma ṭan lak mek a ni," a ti.

Lawngtlai police-te'n harsatna an tawh hrang hrang an lo thlente chu DGP chuan a theih ang anga chinfelsak a tiam.