Ran chaw herna khawl sem

AH&Vety Minister Dr K Beichhua chuan vawiin khan Tanhrila AH&Vety department-in ran chaw an siamna hmunah bawng vulhtu mi 10 hnenah ran chaw herna kháwl a sem.

Dr K Beichhua chuan, AH&Vety Department hotu hmasate'n hmathlir thui tak an neih avangin Mizoram khawi hmunah pawh district leh block level-ah hmunhma ṭha tak an hauh vek thu a sawi a, "Vision thui tak nen department hi an lo kaihruai tih a lang chiang hle,' a ti.

African Swine Fever avangin department-in hun thim tak an hmachhawn mek tih sawiin Minister chuan, 'Vawk vulhtute beidawng mai lo u la, he hun thim hi a liam thuai dawn,' a ti a; vawk saah Mizoram a intodelh theih nan theihtawp chhuah zel turin a chah.

Bawng vulhtute hnena ran chaw herna khawl sem tâk hi Zuia Research Foundation siam a ni a, pakhat Rs 56,000 man a ni.