Serchhip dist.-ah TB vangin Kuminah mi pathum an thi

Serchhip District TB Forum-te chu nimin khan district bawrhsap Nazuk Kumar hoin DC meeting room-ah an ṭhukhawm a, kuminah Serchhip district-ah ngawr (tuberculosis) vangin mi pathum an thi tawh tih tarlan a ni.

Serchhip district TB officer Dr Lalnunhlima Khiangte tarlan danin, Serchhip district-ah hian nikumah TB vei enkawl mi 67 an awm a, an zinga mi pali an thi. Kuminah chuan TB vei enkawl mi 50 an awm tawh a, mi pathumin an thihpui tawh a ni.

Ṭhukhawma tarlan danin, TB leh HIV positive a innghêng hnai hle a, kuminah TB vei enkawl 50 zingah HIV vei tel mi panga an awm. HIV vei hmuh chhuah thar zinga 25 chu ruihhlo nena inhnamhnawih an ni bawk.