Siahaah sorkar pisa dang dawn

Mizoram sorkarin Bualpui NG-a PWD Sub-Division-a SDO Khotha Jothyu a sawn chhuah duh loh lantir nan Mara Thyutlia Py (MTP), Mara Chanô Py (MChP) leh Mara Students’ Organization (MSO)-te chuan vawiin zing dar 7 aṭangin DC pisa, Siaha PWD pisa leh DC Office Complex paltlang pisa zawng zawnga pisa kai turte an dang dawn.

MTP, MSO & MCHP-te chuan thuchhuah siamin, "Mara fate zinga mi rin tlak, a hnathawhna a mi rinawm Pu Khotha Jothyu, SDO, PWD Bualpui NG Sub Division-a thawk mek sawn a nih avangin sawn lo turin Chief Minister, PWD changtu hnenah transfer order sût (revoke) tura ngen a ni," an ti a; an ngenna tihhlawhtlin a ni lo chu Mara mipui zahlohnaa an ngaih thu an tarlang.

Pawl pathumte chuan, an beisei ang hlawhtlinna an hmuh hma chuan Siaha DC pisa, PWD pisa leh DC Complex paltlang pisa zawng zawng (Siaha High School tel loin)-a pisa kai turte an dan dawn thu an puang a; an hmalakna avanga harsatna thleng theiah mipui hriatthiamna an ngen a ni.