ZEM-in Assembly record-a sakhaw Diriamna thu nawh reh an phût
Zoram Exodus Movement (ZEM) chuan thuchhuah siamin, Assembly record bua sakhaw diriam-na thu nawh reh an phut thu an tarlang.
ZEM chuan, March 25, 2017-a Assembly Session-ah MLA ṭhenkhatte'n zu sawi mawi duh luat vangin Kris-tian sakhua leh kohhrante diriamna ṭawngkam an hmang tih sawiin, ram rorelna in zahawm taka MLA ṭhenkhatte ṭawngkam hman dan chu ṭha lo an tih thu an sawi a, "Minister pawimawh tak thusawi mah ni se, ṭhangtharte'n an rawn hâi chhuah fo atan thil ṭha lo, ṭangkaina nei si lo a nih avangin, Assembly session rorel record bua chuang chi niin kan hre lo a, naât reh mai turin Assembly Speaker kan ngen a ni," an ti.
Kum rei tak aṭang tawhin Assembly inthlanah mi tam takin vote thlâk an phûr tawh lo hle nia sawiin ZEM chuan, "Khua leh tui ṭha chuan vote a thlak ngei a ṭul si avangin, phûr lo chunga vote thlak a ngai ta zel mai niin a lang," an ti a; mipuiin vote thlak an phùr loh ṭhin chhan chu sorkar ṭha din tura rin ngam an hmuh loh vang ni bera a lan tuh an sawi.
ZEMn chuan, kum 2018 Assembly inthlan awm turah chuan mi zawng zawngin phûr tak leh lungsi taka vote an thlak theihna turin ZEM-in mipui tan symbol thar chhawp chhuah an tum tih an sawi a; Mizoramah sorkar ṭha ding ve tawh se tih duhtu zawng zawngte chu ZEM-ah tel a, mipui lam hawi duh sorkar tungding ngei turin an sáwm a ni.
Mipuite'n rorel lai an kham ṭhin chhan chu ro an rel rei vang a ni satliah lo a, mipuite hmakhua thlir loa party mite uchuak taka induhsak an chìn vang a ni tih sawiin ZEM chuan, "Party worker-te'n rem lo chunga duhsakna an dawn contract hna hralh a, thawk loa sum siamna atan an hmang zel ṭhin hi sim tawh turin kan ngen a, party worker-te pawh duhsakna an dawn ang chu kut tling taka thawk ṭhin turin kan phût bawk," an ti.
ZEM chuan, contract hna hralh chu dan bawhchhiatna a ni tih an sawi a; contract hna hralh la chíng zuite chu an dan bawhchhiat phû tâwka hrem tur leh, hna hralh tih hriat chiante chu contract hna dang pe tawh lo thurin sorkar an ngen a ni.