Champhaiah vawk hri léng a reh

Kumin June thla tìr lam aṭanga Champhai leh a chhehvela vawk hri leng chu a reh tawh niin Champhai Area Vawk Vulh Association hruaitute chuan an sawi. Vawk hri lêng vang hian vawk 172 a thi hman a ni.

Champhai Area Vawk Vulh Association hruaitute chuan, Cham­phai leh a chhehvela vawk hri a lèn hnuah vawk eng emaw zat thi tawh mah se, tun hnaiah chuan vawk hri léng vanga vawk thi a awm tawh lo tih an sawi a; tun hma lama vawk hri lêng avanga vawk damlo tawh, a nih dan tur anga la ṭha chhuak lo erawh chu a awm nual niin an sawi a ni.

Champhaia vawk hri léng hi Selesih-a Vete­rinary College laboratory-ah enfiah niin, Swine Fever a ni tih finfiah a ni a, Swine Fever hi PRRS leh Swine Flu anga natna hlauhawm a ni lo a, mihring pawhin an kai theih loh chi a nih thu AH&Vety department doctor-te chuan an sawi.