Police leh zirlaite innawrnaa hliamte kan

Mizoram quota-a MBBS leh BDS zir tur thlan zinga Chakma an tel vanga July 20, 2017-a zirlaite leh police innawrnaa hliam Hav. Lalsawmliana, 5th. IR Battalion chu Home minister R Lalzirliana'n Rs. 20,000-in a kan.

Police hotute sawi dan-in, Hav. Lalsawmliana hi a hmaiah vawm fuh a ni a, a hliam nat deuh avangin Aizawl Civil Hospital panpui niin, khum ruak a awm loh avangin Greenwood Hospital-ah dah a ni. Chumi hnuah Aizawl Civil Hospital cabin-ah dah leh a ni a, enkawl mek a ni. Doctor-te chuan, Lalsawmliana hian nikhua a hre tawh a, ngaihtuahawm lutuk loa ngaih a nih thu an sawi.

MZP hruaitute pawhin Hav. Lalsawmliana chu July 22, 2017 khan an kan a, dam ṭha leh thuai turin duhsakna an hlan. MZP hruaitute hian police-in an vuak hliam zing-a mi Enet Lalremruati, Aizawl North College-a zirlai chu July 21 khan an kan bawk. Enet Lalremruati hi a bán ruh a auh a ni.