Kum 2015-16-ah sikul 4,213-ah zirtirtu 24,419

Kumina tihchhuahah Mizoram Statistical Handbook 2016-a a lan danin, kum 2015-16 khan Mizoramah primary school, middle school, high school leh higher secondary school 4,213 leh zirtirtu 24,419 an awm. Chutih laiin, P/S, M/S leh H/S-ah zirlai zinga 7.79%-te'n zirna an chawlhsan thung.

Mizorama district pariat zingah Aizawl district-ah sikul leh zirtirtu an tam ber a; P/S 494-ah zirtirtu 2,416, M/S 428-ah zirtirtu 3,019, H/S 205-ah zirtirtu 1,598 leh HSS 60-ah zirtirtu 788 an awm. Chawhrualin P/S pakhatah zirtirtu 4.89 zel awm ang a ni a, M/S pakhatah zirtirtu 7.05, H/S pakhatah zirtirtu 7.79 leh HSS pakhatah zirtirtu 13.13 zel awm ang a ni.

Lunglei district-ah chuan P/S 363-ah zirtirtu 1,274, M/S 263-ah zirtirtu 1,689, H/S 116-ah zirtirtu 794 leh HSS 31-ah zirtirtu 263 an awm a; P/S pakhatah zirtirtu 3.51, M/S pakhatah zirtirtu 6.42, H/S pakhatah zirtirtu 6.84 leh HSS pakhatah zirtirtu 8.48 zel awm ang a ni.

Siaha district-ah P/S 132-ah zirtirtu 864, M/S 89-ah zirtirtu 649, H/S 35-ah zirtirtu 234 leh HSS pangaah zirtirtu 62 an awm a; chawhrualin P/S pakhatah zirtirtu 6.54, M/S pakhatah zirtirtu 7.29, H/S pakhatah zirtirtu 6.68 leh HSS pakhatah 12.4 zel awm ang an ni.

Champhai district-ah chuan P/S 232-ah zirtirtu 860, M/S 196-ah zirtirtu 1,280, H/S 85-ah zirtirtu 587 leh HSS 16-ah zirtirtu 151 an awm. P/S pakhatah zirtirtu 3.71, M/S pakhatah zirtirtu 6.53, H/S pakhatah zirtirtu 6.90 leh HSS pakhatah zirtirtu 9.44 zel an awm ang a ni.

Kolasib district-ah P/S 137 awmin, zirtirtu 596 an awm a, M/S 116-ah zirtirtu 846, H/S 41-ah zirtirtu 307 leh HSS pasarihah zirtirtu 79 an awm. Zirtirtu zat hi chawhrualin sikul pakhatah P/S-ah 4.35, M/S-ah 7.29, H/S-ah 7.49 leh HSS-ah 11.28 zel a ni.

Serchhip district-ah chuan P/S 119-ah zirtirtu 493, M/S 102-ah zirtirtu 669, H/S 37-ah zirtirtu 279 leh HSS pariatah zirtirtu 99 an awm. P/S pakhatah zirtirtu 4.14, M/S pakhat-ah zirtirtu 6.56, H/S pakhatah zirtirtu 7.54 leh HSS pakhatah zirtirtu 12.37 zel awm ang a ni.

Lawngtlai district-ah P/S 297-ah zirtirtu 1,205, M/S 191 zirtirtu 1,262, H/S 54-ah zirtirtu 319 leh HSS pasarihah zirtirtu 57 an awm. Chawhrualin P/S pakhatah zirtirtu 4.05, M/S pakhatah zirtirtu 6.61, H/S pakhat-ah zirtirtu 5.91 leh HSS pakhatah zirtirtu 8.14 zel awm ang a ni.

Mamit district-ah chuan P/S 176 awmin, zirtirtu 622 an awm a, M/S 126-ah zirtirtu 745, H/S 41-ah zirtirtu 276 leh HSS paliah zirtirtu 37 an awm. Zirtirtu zat hi chawhrualin sikul pakhatah P/S-ah 3.53, M/S-ah 5.91, H/S-ah 6.73 leh HSS-ah 9.25 zel an awm tihna a ni.

Hetih lai hian, Statistical Handbook 2016-ah hian kum 2015-16 chhung khan P/S, M/S leh H/S zirlai zinga 7.79% chuan zirna an chawlhsan (dropout) tih tarlan a ni a; kum 2014-16 chhungin 7.77%-in zirna an chawlhsan bawk.

Kum 2015-16 chhunga zirna chawlhsan hi P/S zirlai zingah 11.88 an awm a, mipa bikah 11.91% leh hmeichhia 11.85% an ni. M/S zirlai zingah drop-out 4.14% awmin, mipa zingah 4.34% leh hmeichhe zingah 3.91% an ni a; H/S zirlai zingah drop-out 7.35% awmin, mipa bikah 10.91% leh hmeichhiaah 3.55 an awm.

Kum 2014-15 chhunga sikul naupang zing-a zirna chawlhsan zat chu - P/S-ah 12.96%, M/S-ah 6.32 leh H/S-ah 4.03 a ni bawk.

Statistical Handbook 2016-a tarlan sikul zat leh zirtirtu zat hi Mizoram sorkar sikul chaun ni loin, kohhran leh mimal sikulte pawh chhiar tel vek an nia thu dawn a ni.