PRISM-in Mizoram humhalh a ṭul an ti

PRISM chuan thuchhuah siamin, Mizoram chu humhalh a ngai an tih thu an tarlang a, "Kan ram, kan hnam leh kan sakhaw humhalh ngam lo chuan ram kaihhruai tum lo law law se kan duh," an ti.

Mizoram hi Zofate ram a nih thu sawiin PRISM, "A chhunga lo lut tur hian independent rama lut tura phalna neih a ngai ang thoin phalna neih a ngai a ni. Zofa leh Mizoram khua leh tui ni lo tan khua din phal a ni hek lo," a ti a, dan kalha kan rama cheng leh dan kalha din khuate chu dan hmanga chinfel thuai a ngaih thu an sawi.

PRISM chuan kan ram leh hnam chanvo humhalh ngam lo chu sorkar tlakah an ngaih loh thu tarlangin, "Zohnahthlak.m hruaitu neih tawh loh kan duh. Chuvang chuan, MLA inthlan lo awm turah khian Zohnahthlak ni lo candidate-a hmang lo turin political party leh candidate neih tum zawng zawng kan ngen a ni," an ti.