Damdawi ruihtheih neitua puh Robert Hrangdawla Court-ah inlan

Damdawi ruihtheih Cetri-P mum nuai 10 neitua puh, R&R medicare neitu chief information commissioner (CIC) hlui Robert Hrangdawla chu nimin khan Aizawl District & Session Court-ah a inlan.

Food and Drug Administration Wing chuan February 22, 2017 khan Lengpui Airport-ah Cetri-P mum nuai 10 hi an man a, Dehraduna-a Cooper Pharma Limited-in Aizawl Luangmuala R&R Medicare-a thleng tura a rawn thawn a ni. R&R Medicare hi Robert Hrangdawla ta a ni a, Drugs and Cosmetics Act, 1940 tlawh chhanin thubuai siamsak a ni.

Robert Hrangdawla ukilte chuan an client laka criminal complaint siam chu titawp turin Court an ngen a, hemi chungchangah hian Court chuan sorkar ukil-te chu an ngaihdan, August 17 hmaa ziaka thehlut turin leh an chhanna hi Robert Hrangdawla Ukil-ten an zir chian theih nan August ni 11 hmaa pe turin a ti a ni.

Thudawn danin, thubuai neitu, Robert Hrangdawla ukil-ten dilna an thlen chung-changa sorkar ukil-te chhan dan a zirin thubuai hi criminal case-a ngaih zui tur a nih leh nih loh, Court chuan a ngaihtuah a dawn a, a ngaihdan a zirin thubuai a siamsak dawn a ni.