KHAWTHLIR

MIS siksawi
Mizoram sorkar chuan tun hnai khan Mizoram Inforamtion Service (MIS) pahnih a siksawi a, PIO to CM nilai Pratab Chhetri chu PS to Health Minister-ah awmin, IPR Directorate-a awm lai Malsawmsanga chu PIO to CM-ah a awm thung ang.

NLUP sem
Commerce & Industries department chuan nimin khan Central Hall, Vengluiah Aizawl South-I leh Aizawl West-II huam chhungah NLUP third phase an sem a, R Vanlalvena, MLA-in a hmanpui. R Vanlalvena chuan, NLUP dawngtute zingah inthlahdah vang ni lo, tum lâwk leh ruahman loh thil chhungkaw lama harsatna thleng vanga hma la zui thei lo an awm ṭhin chu pawi a tih thu a sawi.

IGP-ah thlen
Hachhek Constituency Development Committee (HCDC), Taitesena Group YMA, Langkaih Group YMA, Zawlnuam MZP Hqrs. leh Thinghlun Welfare-te chuan nimin khan IGP Zorammawia a pisa-ah an kawm a, Hachhek bial chhunga khaw ṭhenkhata 4th IR BOP khar tur chu rem an tiloh thu leh an mamawhna te kan thlen a, IGP chuan Zawlpui leh Thinghlun BOP chu thu leh awmhma chu an khar a nih loh tur thu a lo hrilh.

Pisa kâng
Nimin zing khawvar hma, dar 2 vel khan Zuangtuia Power & Electricity department Chief Electrical Inspectorate pisa chu a kâng a, cheng nuai 40 vel hû bungrua a kâng chhia. Pisa kan chhan hi hriat a ni lo.

Zirtirtute Ni
Nimin khan Lawngtlai DC conference hall-ah kumina Zirtirtute Ni hman dan tur ngaihtuah a ni. An hun hmanpuitu parliamentary secretary (Higher & Technical Education) H Zothangliana chuan, Zirtirtute Ni chu a huhoa hmun khata hman ni se a duh thu sawiin, "A huhoa hmanna atan Rs. 50,000 ka thawh thei ang," a ti. Meeting-ah hian state leh ditrict council-a zirna lama mawhphurtute bakah tlawmngai pawlte an tel a ni.