Bekang chungchang sawiho
July 16, 2017-a Dinthar, Tuikual, Kanan Veng leh veng dang ṭhenkhata bekang um ei vanga damlo eng emaw zat an awm leh damdawi-ina dah an nih chungchang chu nimin khan Health principal director Dr F Lallianhlira hoin a pisaah sawiho a ni a; bekang um ṭha lo ei vanga harsatna thleng ṭhin pumpelh dan tur an sawiho.
Bekang ṭha lo ei chungchangah hian Health department-a Integrated Diseases Surveillance Project (ISDP)-a thawkte chuan July 17 aṭangin bekang an chhui zui nghal a, bekang an eite pawh a theih ang angin an la khawm a ni. Bekang chu enfiah turin Aizawl Civil Hospital-a Microbiology department leh RIPANS laboratory-ah thawn a ni.