Zu siamna hmun tichhia

Excise and Narcotics department (END) chuan, nimin khan Phungchawng leh a chhehvelah phalna nei loa rakzu siamna hmun an dap a, zu bilh lai ṭín 2,581, rakzu litre 150 leh zu siamna bél 47 an man a, zu siamna hmun eng emaw zat an tichhe bawk.

END chuan, MLPC Act 2014 hman a nih hnuah pawh phalna nei loa rakzu siam leh hralh an la awm nual tih tarlangin, "Zu siamna leh a sawngbawlna hmun dap beihpui hi an thlak a ni," an ti a; rakzuah hian damdawi eng eng emaw telh a nih fo avangin, zu in ṭhinte chu dan anga zu zawrh ngei in turin an ngen a ni.