Lunglei dist-ah Naupang thihna tlahniam

Lunglei district chhunga naupang kum 5 hnuai lam thihna leh nu nau chunga thihna chu kum hmasa lam aiin kuminah a tlahniam.

Lungleia RCH hotute chu Thawhṭanni khan Lunglei chief medical officer Dr VLMS Dawngliana hoin an ṭhukhawm. Meeting-a an tarlan danin, kum 2016-17 chhung khan Lunglei district-a nau piang 2,307 zingah naupang kum nga hnuai lam thi mi 42 an awm a, kum hmasa aiin mi 37-in a tlahniam. Kum 2015-16 chhung khan nu nau chunga thi mi pali an awm a, kum 2016-17 ah chuan pahnih chiah an awm thung.

Review meeting-ah hian lunglei district-a Public Health Centre, Sub Divisional Hospital leh Main Centre-a thawkte an tel a; nu nau pai leh naute enkawl dan te, harsatna awm thei chi hrang hrang chinfel dante an zirho nghal a ni.