SBI, Mission Veng rawk a ni

State Bank of India (SBI), Mission Veng Branch chu Thawhṭanni zan khan rawk a ni a, Rs. 13,000 rûkbo a ni.

Thu dawn danin, SBI, Mission Veng Branch hi chowkider leh hnathawktu pakhatin nimin zinga kawngka hawnin, bank chhunga bungraw ṭhen-khat chu a nih tur angin an awm lo tih an hmu a, dawhkan pawhdawh inhawngsate an hmu bawk a; bank chu rawk a ni tih hria a ni.

Kulikawn Police Station hriattir a nih hnuah forensic expert-te'n an endik a; bank rawktu chu kawngkapui zâwn ventilation-a thîr kham kár aṭangin a lut nia hriat a ni. Bank rawktu hian cash officer pindan dawhkân hnuaia Rs. 5 thîr hlir Rs. 12,500 a la a, cash officer mimal pawisa Rs. 500 vel a la bawk.