KHAWTHLIR

Thisen pe
Johnson College NSS unit chuan nimin khan an college-ah blood donation camp an huaihawt a, mipa 118 leh hmeichhia 17-te'n Aizawl Civil Hospital tan thisen unit 135 an pe.

MJA-in rál dawn
MJA general headquarters chuan an member July 15, 2017-a thi, Lalthanzama, Sakeibaknei chanchinbu editor chu vawiin chhun dar 1 hian Tuikual North-a an inah an rál dawn a, MJA member-te tel vek turin an hriattir.

Oxygen sem
Tuipui East bialtu MLA T Sangkunga chuan Thawhṭanni khan Khawbung Zawlbuk tualah a bial chhunga khua - Khuangthing, Vaphai, Khankawn, Thekte, Khuangleng, Leisenzo, Vangchhia leh Hruaikawn khawtlang aiawhte hnênah oxygen khawl a hlân. Oxygen khawl hi BADP sum hmanga lei a ni.

Motivator training
Kolasib District Swachh Bharat Mission (Gramin) hnuaia thingtlang khaw tina thianghlimna kalpui zel a nih theih nan leh mi fuih phurtu leh zirtirtu tur motivator-te tan nimin khan Kolasib DC conference hall-ah training buatsaih a ni. Kolasib DC Dr Arun T chuan, thianghlimnain hriselna a keng tel tih hria a, zirtirna pe chhawng turte chu ṭhahnemngai taka mipui zirtir turin a fuih.

Office hawng
Lawngtlai District Research Officer (DRO) office building thar chu nimin khan parliamentary secretary H Zothangliana'n a hawng. DRO office hi Indian Statistical Strengthening Project (ISSP) hnuaiah cheng nuai 60 senga sak a ni a, January 13, 2016-ah sak ṭan niin, February 8, 2017-ah sak zawh a ni.

Kayakalp sawiho
Lawngtlai District Hospital-in damdawi-in fai leh thianghlim inelna Kayakalp Award 2017 a dawn theih nana inbuatsaih dan tur sawi hoin nimin khan Lawngtlai District Medical Superinrtendent (DMS) pisaah DC Dr A Muthamma hoin sorkar department hrang hrang hotute leh tlawmngai pawl hruaitute an ṭhu khawm.