MLA-in tanpuina a hlân

Aizawl North-II bialtu MLA Dr Vanlalthlana chuan MLA fund hmanga a lei computer leh printer-te a bial chhunga sorkar sikul 12-ah nimin khan a hlân. A biala high school leh higher secondary school zirlai kum 2022-a ti ṭha, Top 10-a tling mi pathum hnenah laptop a pek bakah, sikul pariat thawm ṭhatna tur Aizawl North Development Society hnenah a hlan bawk.

Dr Vanlalthlana chuan, "Sikul tihchangtlunna tur ka pek che u hian phût lêt ka nei a, chu chu tun aia nasa zawka inpekna a ni. Hmasawn zel ngai kan ni a, mi tin thleng phaka thiamna pe thei turin hma i sawn ang u. Sikul hi hna zawng tura inzirtirna hmun ni loin, mahni kea ding thei tura inzirtirna hmunah kan siam a ngai a ni," a ti.