TRC-in zirlai thar lawmna hun hmang

T Romana College chuan nimin khan Vanapa Hall-ah zirlai tharte lawmna hun leh zirlai chhuakte thlahna hun an hmang a, minister R Lalzirliana'n a hmanpui.

R Lalzirliana chuan, mahni inthunun leh mi puitling nih pawimawh thu sawiin, "Mizo ṭhalaite ram páwn hmun hrang hrangah hna hmuin an chhuak tawh a, heng zinga hlawtlingte chu mi chhelte an ni. Central service lamah pawh Mizo ṭhalaite ṭan lak a ngai a, hemi kawnga hlawhtlinna chuan kan ram dinhmun a chawikâng thei a ni," a ti.

T Romama College hi kum 1992-ah din a ni a, zirlai 936 an awm mek. Department hrang pariat a awm a, zirtirtu 35 leh non-teaching staff 19 an awm mek bawk.