DC-in tuilianin a tihchhiatte a enfiah

Champhai DC Vanlalngaihsaka chuan July 25, Thawhlehni khan June thlaa Ṭiau lui lian-in Ṭiau phai leilet zau hrang hrang a tihchhiatte a enfiah.

Vanlalngaihsaka chuan, tuilianin leilet a tihchhiatsakte chu an chhiat tawh dan dik tak an V/C President-te hnenah theh-lut a, a rang thei ang bera district thuneitute hnen-a thehlut turin a hrilh.

Champhai DC hi district agriculture officer James Vanlalluaia, Minor Irrigation SDU C Lalthianghlima leh Champhai District Disaster Management & Rehabilitation hotute'n an ṭawiawm a ni.

Ṭiau lui lian hian tuipui kam leilet buh phun tawhte a hrût chhiat bakah, leilet kam záwl a hrût chhe nasa hle a; Leilet pumpui neih tlak tawh loa tuilianin a tihchhiatsak chhungkaw ṭhenkhat an awm laiin, a tam berte chu a zahve chhiate a ni hlawm.