Aizawlah Road Safety Week hmang

46 Assam Rifles leh Traffic Police ṭangkawp bultumin, July 26-31 chhung hian Aizawlah Road Safety Week hman a ni dawn a; nimin khan Lammualah Week hawnna inkhawm hman a ni a, DIG (NR) Joseph Lal-chhuana leh Assam Rifles DIG Brig. MS Mokha ten an hmanpui.

Road Safety Week hawnna inkhawmah hian Aizawl Traffic Police 10 chu hna an thawh ṭhat avangin Assam Rifles-in chawimawina an hlan.

Road Safety Week chhung hian inhrihhriatna hmanrua atan seminar, demonstration leh quiz competition-te buatsaih a ni dawn a; NCC volunteer-te'n traffic police-te an puibâwm dawn a ni.