MPSA-in mimal taka Police beih pawi an ti

Mizoram Police Service Association (MPSA) chuan nimin khan thuchhuah siamin, tun hnaia technical course zir tur thlan chungchanga buaina thlengah police officer ṭhenkhatin mimal taka beihna an tâwk chu pawi an tih thu an tarlang.

MPSA chuan, buaina ven chu police-te hna a ni tih sawiin, "Mipui leh police inkarah inepna leh innawr buaina a la awm zel turah ngai ila, engtik ni-ah emaw chuan nunna hial hlohna pawh a la thleng thei. Police anga kan hnathawhnaah demna leh sawiselnate chu kan hnathawhin a zir avang leh a ken tel avangin kan tawk fo ṭhin a, kan la tawk zel turah pawh kan ngai. Sawiselnate avang hian police hna hi khawvela khawi hmunah pawh hna hautak leh thawh hrehawm harsa taka ngaih a ni ṭhin," an ti.

Tun hnaia NGO Coor­dination Committee-in police officer mimal anga thur chhuaka demna thu an chhuah chu pawi an tih thu an sawi a, tun hnuah chuan thleng tawh lo se an tih thu an tarlang.