Thenzawl puantahtute enfiah

Thenzawla puantahtute mumal zawka inhlawm khawm a, weaver company din tura hmalak mekna chu July 26, Nilaini khan NABARD head office, Mumbai aṭangin assistant general manager Swati S Kirketta-in a enfiah.

Swati S Kirketta hian Thenzawla Vantawng Group YMA Rûnah Thenzawla puantahtute a kâwm a, weaver company din tura pawimawh hrang hrangte a hrilhfiah.

CodNerc-in an zir chianna behchhanin NABARD-ah hian weaver company din turin project siam a ni a, chumi kal zel bawhzui chuan NABARD Assistant General Manager hian final scrutiny neiin a rawn enfiah a ni. A report chu NABARD Head Office-ah a thehlut leh ang. CodNerc hruaitute chuan, NABARD-ah hian beiseina sang tak an neih thu an sawi.