Kayakalp chungchang zirho

Nimin khan Aizawl Civil Hospital conference hall-ah damdawi-in faina leh kawng hrang hranga hmasawnna tura duan, Kayakalp chungchang zirhona buatsaih a ni.

Kayakalp and Dissemination of Guideline 2017-2018 leh External Assessors Training - for TOT of Kayakalp Tools zirhonaah hi National Health Mission (NHM) state programme manager Dr Lalthantluanga Chawngthu-in a kaihruai. NHM Quality Assurance state nodal officer Dr R Lalchhuanawma'n Mizorama Kayakalp kalpui dan a sawi.

Quality Assurance state consultant Dr Lucy Chawisangzeli'n Award Criteria & Institutional Frameworks tih thupui a sawi a; QualityAssurance state consultant Dr Evelyn Lalremsangi Hmar-in Quality Asurance Process of Assessment & Award Declaration tih thupui a sawi bawk.

Kayakalp hi kum 2015-ah Mizoramah kalpui ṭan a ni a, a tirah district hospital chauh huamtir ni mah se, kum-in 2016-ah chuan district hospital, community health centre leh primary health centre zawng zawng huamtir a ni. Kumin aṭang chuah urban primary health centre-te pawh a huam tawh dawn.