KHAWTHLIR

MNF president Zoramthanga chuan, MNF ṭhalai, Mizo National Youth Front (MNYF) hruaitu a ruat thar a, president atan Lalrinawma, MLA, 

Chhinga Veng a ruat nawn. MNYF vice president atan Lalzah­awma Khiangte, Ramhlun Vengthar leh treasu­rer atan H Lalroliana, Kuli­kawn te ruat an ni bawk.

Pachhunga University College NSS Unit chuan nimin khan an college-ah blood donation camp an huaihawt a, Aizawl Civil Hospital tan thisen unit 218 an pe a, a petute mipa 157 leh hmeichhia 61 an ni.

Mizoram Presbyterian Kohhrana Kohhran Hmeichhiate chuan Mizoram chhung leh pawna pastor bial hrang hrangah nizan khan Bial Inkhawmpui an hmang ṭan. Nizan khan report inkhawmin ṭan a ni a, vawiinah nilengin rorel inkhawm a ni ang a, nak­tukah chhunzawmin, zanah a ṭiak ang.