Sorkarin hlawh a pe thei

Mizoram sorkar chuan sorkar hnathawkte April 2020 thla hlawh chu ṭum danga a pek ṭhin ang hun pangngaiah a pe thei dawn nia thu dawn a ni.

Finance department hotute aṭanga Vanglaini thu dawn danin, sorkar hnathawkte April thla hlawh chu a hun pangngaiah pek theih a ni a, May hlawh chu a hun pangngaia pek theih a nih dawn leh dawn loh la ngaihtuah chawp a ni ang.

Covid-19 vanga sum leh pai lama harsatna Mizoram sorkarin a tawh dawn leh dawn loh zawhna chhangin Finance department hotute chuan, "Kan la tâwk mai thei a, hriat theih a la ni lo. Kan kal dan tur kan rél chho zel ang," an ti.