LMC pisa tur chei mek a ni - MNF

MNF Sub-Headquarters, Lunglei chuan Lunglei Municipal Council (LMC) pisa tur chei ṭhat mek a nih thu an tarlang a; nimin khan LMC pisa tur chei mek chungchangah UDPA officer Vanthangpuii an kâwm.

Lunglei MNF tarlan danin, Lungleia UDPA Officer chuan, Lunglei Convention Centre-a chhawng pakhat, second basement floor chu a pumpuiin LMC pisa atan chei mek a nih thu te, September 2022 thla chawhma lamah peih hman a nih a rin thu te, peih a nih hunah Deputy Chief Minister-in a hawn dawn thute a sawi.

Mizoram sorkarin kum 2022 chhunga LMC inthlan buatsaih hman a nih ngei theih nan chak takin hma a lak mek thu Lunglei MNF chuan an tarlang a ni.