Lungsen khuaa sikul harsatna sawiho

Lungsen khawtlangin an khuaa sikul kái turte an dan chungchang leh Lungsen High School-a harsatna tawh mekte chinfel theih dan tur ngaihtuahin August 24, Nilaini khan Lunglei DC Conference Hall-ah bawrhsap Kulothungan A hoin thuneitute an ṭhukhawm.

Ṭhutkhawmah hian Lungleia School Education department hotu te, YMA Sub-Hqrs leh MZP Sub-Hqrs hruaitute an tel a; Bawrhsap chuan, kal khawmte chu Lunglen H/S harsatna tawh mek chinfel kawngah hma lakpuiah a sáwm a ni.

Lunglei DC chuan, sorkarin zirna a ngaih pawimawh tak zet nia sawiin, Lungsen khawtlang ṭhahnemngaihna chu sorkarin a hriatthiampui thu a sawi a; mipui leh pawl hrang hrangte duh dan milin a theih anga hmalak tum a nih thu a sawi bawk.

Kumin July leh August thlaah Lungsen H/S-a zirtirtu pahnih sawn chhuah a nih avangin August 16 aṭang khan MZP hmalaknain Lungsen H/S-a kái turte dan an ni a; Lungsen All NGO Coordination Committee hmalaknain August 23 aṭangin Lungsena sikul pariata sikul kai turte dan ṭan a ni leh bawk. Sikul pariatah hian zirlai 446 an awm a ni.

Lungsen H/S-ah hian a ngheta thawk headmaster leh zirtirtu dang pakhat chiah an awm a; SEDP hnuaia lak zirtirtu pathum, MLA sum hmanga chhawr pakhat leh Samagra Shiksha hnuaia chhawr Hindi zirtirtu pakhat an awm bawk.