Hmeichhiate vawk vulh zirtir

National Commission for Women, New Delhi leh College of Veterinary Sciences & Animal Husbandry, Central Agricultural University, Selesih ṭangkawp chuan August 22-25, 2022 chhungin Sihphir Venghlunah 'Empowerment of Rural Women through Sustainable Piggery Farming' tih thupuia hmangin hmeichhia vawk vulhtute tan training an buatsaih.

Training-ah hian course director Dr Nancy Laldinpuii chuan hmeichhiate'n vawk vulhah nasa takin tha an thawh ve thu sawiin, "A buaipuitu ber kan ni ve fo. Vawkvulh dan ṭha leh enkawl dan ṭha vawk vulhtute hnena zirtirna pek hian hmasawnna leh hri lakah pawh inven dan ṭha zawk a hrin chhuah kan beisei a ni," a ti.

Course coordinator Dr Saidur Rahman chuan National Commission for Women, New Delhi bultuma training buatsaih theih a ni chu lawmawm a tih thu a sawi.

Training hawn niah kuthnathawh lama national award dawng tawh R Liandawla leh Darhmingthangate'n fuihna thu an sawi. Training-ah hian mi 31 an tel a ni.