MHSSP chungchang sawiho

World Bank sum hmanga Health department hnuaia mipui hriselna tihchangtlunna project kalpui mek, Mizoram Health Systems Strengthening Project (MHSSP) hotute chu nimin khan MHSSP project director Dr Eric Zomawia hoin Aijal Club-ah an ṭhukhawm a; sorkar department ṭhenkhat leh pawl 23 aiawhte an tel.

Ṭhutkhawma tarlan danin, zirchianna neih tawh chinah Mizorama damlote natna neih zinga 55.5% chu natna inkai chhàwn theih loh - cancer, zunthlum, thisen sang, lung natna leh a dangte a ni. Mizoram Health Care Scheme (MHCS) leh Pradhan Mantri Jan Arogya Yojana (PMJAY) kalpui a ni chungin scheme chungchang hre lo mi eng emaw zat an la awm.

Natna inkai chhàwn theih loh (non-communicable disease) leh health insurance chungchanga khawtlangin hma a sawn theih dan tur te, mipuiin inzirtirna ṭha an dawn theih dan turte sawiho a ni bawk.